<p>Yeni başlayan bizneslər üçün digital marketindən doğru bir şəkildə faydalanmaq çox vacibdir. Doğru marketinq strategiyası ilə kiçik bizneslər çox qısa zamanda çox böyük kütlələrə çata bilərlər. Təbii ki, burada tək bir marketinq strategiyasından bəhs etmək olmaz. Bu səbəbdən kiçik bizneslərin digital marketinq büdcələrini fərqli xidmətlərdə bölüşdürməsi həm daha çox kütlə əldə etmək, həm də rəqəmsal dünyanın hər bir kanalında yer almaq üçün önəmlidir. </p> <p>Marketinq strategiyaları satışlarınızı bir gecədə həddindən artıq artırmasa da, uzun müddətli investisiya olaraq şirkətinizin davamlı böyüməsini və daha çox müştəri əldə etməsini asanlaşdıracaq.</p> <p>Kiçik Bizneslər Üçün Ən Effektiv Digital Marketinq Strategiyaları</p> <p><strong>Sosial Media Marketinq</strong></p> <p>Artıq insanlar sosial media üzərində aktiv olan bizneslərə üstünlük verirlər. Müəyyən sosial media kanallarında biznes sahib olmaq kifayət qədər yetərli deyil. Davamlı olaraq müştərilərinizin diqqətini çəkməli, onların suallarına cavab verməli və onlarla daimi olaraq əlaqədə qalmalısınız.</p> <p>Sosial media kanallarında verdiyiniz reklamlar yeni müştərilər əldə etməyinizlə yanaşı, mövcud müştərilərinizi də qorumağınız üçün faydalıdır. </p> <p><br /> <strong>Kontent Marketinq</strong></p> <p>Kontent marketinq kiçik bizneslər üçün müştərilərin maraqlarına uyğun bloq postları, videolar və ya kreativ materiallar hazırlamağı ifade edir. Bu yolla kiçik bizneslər daha çox hədəf kütləsinə xitab edərək yeni müştərilər qazana bilərlər.</p> <p>Kontent marketinqin kiçik bizneslər üçün ən önəmli faydalarından biri insanlarda biznesinizə yönəlik güvən yaratmasıdır. Bir çox biznes mal və xidmətlərini satmağa çalışarkən sizin biznesiniz yaratdığı kontentlərlə müştərilərini məlumatlandırdıqdan sonra satış edə bilər. Unutmayın ki, müştərilər hərhansı bir mal və xidmət haqqında məlumat əldə etdikdən sonra həmin məhsulu almağa daha çox üstünlük verirlər.</p> <p><br /> <strong>Lokal SEO</strong></p> <p>Lokal SEO kiçik bizneslər üçün digital marketinq strategiyaları arasında önəmli yer tutur. Biznesinizə daha çox müştəri cəlb etmək və insanların biznesinizdən xəbərdar olmasını təmin etmək üçün lokal SEO fəaliyyətləri görə bilərsiniz.<br /> Lokal SEO biznesinizin fəaliyyət göstərdiyi bölgədəki insanları biznesinizə cəlb etmək üçün əhəmiyyətlidir. Xüsusilə kiçik bizneslər müştəri qazanmağa ilkin olaraq fəaliyyət göstərdikləri bölgələrdən başladıqları üçün doğru Lokal SEO addımları ilə biznesinizi böyütməyə başlaya bilərsiniz.</p> <p><strong>Email Marketinq</strong></p> <p>Hazırda mövcud olan müştərilərinizə yeni təkliflər bildirmək, onları yeni kampaniyalarınız barədə məlumatlandırmaq vəya yeni məhsullarınızı tanıdmaq üçün email marketinqdən istifadə edə bilərsiniz. Email marketinq satışları artırmaq üçün ən yaxşı digital marketinq strategiyalarından biridir. Unutmayın ki, email marketinq üzrə fəaliyyətlər görmək üçün mövcud müştərilərinizin emaillərini toplamalısınız. </p> <p><strong>Veb Saytlarin Optimizasiyası</strong></p> <p>Biznesin böyüklüyündən asılı olmayaraq hər biznesin veb saytının olması vacibdir. Veb sayt müştərilərinizin biznesinizi kəşf etməsini və satış əldə etməyinizi asanlaşdırır. Əgər biznesinizin hələ də saytı yoxdursa, öncəliklə bir sayt yaradın. Əgər hal-hazırda bir veb saytınız varsa, saytınızın yaxşı vəziyyətdə olduğundan əmin olmalısınız. Mobil istifadəyə uyğunluq, doğru sayt dizaynı, sürətli performans və daha bir çox faktor satış əldə etməyinizə təsir edən başlıca amillər arasındadır. Bu səbəbdən veb saytlarin optimizasiyası və davamlılığının təmin olunması kiçik bizneslər üçün vacibdir.</p> <p>Unutmayın ki, hər biznes üçün tək bir strategiyadan söz etmək mümkün deyil. Digital marketinq strategiyasının doğru qurulması üçün doğru seçilmiş peşekarlarla işləməli və biznesinizi onlara əmanət etməyi düşünə bilərsiniz. </p>
Ətraflı<p>Şirkətiniz böyüdükçə yeni bir sayta vəya köhnə saytınızın yenilənməsinə yönəlik ehtiyacınızın artmağa başladığını görəcəksiniz. Satışları daha rahat etmək üçün bir veb saytiniz olmaya bilər vəya köhnə saytınız şirkətinizi artıq yetəri qədər ifadə edə bilməyə bilər. Bu halda yeni <strong>sayt sifarisi</strong> zamanı nələri düşünəcəyinizi, necə bir sayt istədiyinizi və kimlərə ehtiyac duyduğunuzu qərarlaşdırmaq çətin ola bilər. </p> <p>Xüsusilə veb sayt sifarisi mərhələsindən saytınızın istifadəyə uyğun hala gətirə bilən peşekar mütəxəssislərdən ibarət bir komandanız yoxdursa, bu halda veb sayt sifarisi və saytın yaradılması üçün agentlik seçimi etməli ola bilərsiniz. </p> <p>Doğru xidmət seçimi hər zaman asan olmaya bilər. Bu səbəbdən bu yazımızda sizin üçün doğru agentlik seçimi qarşısında olduğunuzda özünüzə verməli olduğunuz sualları müəyyən edib sizinlə paylaşırıq.</p> <h3><strong>Sayt Sifarisi ilə Nəyi Hədəfləyirəm?</strong></h3> <p>Sayt sifarisi zamanı cavabını tapmalı olduğunuz ilk sual sayt yaratmaqla nəyi hədəflədiyinizdir. Daha müasir dizaynlı bir sayt hədəfləyə bilərsiniz lakin düşündüyünüz dizayn müştərinin mal və xidmətlərinizdən yararlanmasını çətinləşdirə bilər. İşində peşekar olan mütəxəssislərdən ibarət olan agentliklər belə çətinliklər yaşamağınızın qarşısını alaraq həm sizin, həm də müştərilərinizin ehtiyaclarını eyni zamanda qarşılayacaqdır. </p> <h3><strong>Büdcəm Nə Qədərdir?</strong></h3> <p>Sadəcə sayt sifarisi zamanı yox, hərhansı bir mal və xidmət satın alarkən büdcənizi bilmək hansı xidməti alacağınızda sizə kömək olacaq. Büdcənizi təyin edib büdcəniz haqqında araşdırmalar etdiyiniz zaman əlinizdəki büdcə ilə hədəflədiyiniz saytı yaradıb yarada bilməyəcəyinizdən əmin ola bilərsiniz. </p> <h3><strong>Sayt Sifarisi və Daha Sonrasında Dəstək Paketi</strong></h3> <p>Sayt sifarisi üçün agentlik seçimi zamanı diqqətə almalı olduğunuz bir digər faktor isə seçdiyiniz agentliyin dəstək paketinin olub olmamasıdır. Əgər veb saytlarin yaradilmasi sahəsində təcrübəniz yoxdursa və saytınız hazırlandıqdan sonra belə sayt idarəetməsində çətinlik yaşayacağınızı düşünürsünüzsə seçəcəyiniz agentliyin dəstək paketinin olub olmadığına baxın.</p> <h3><strong>Sayt Sifarisi Üçün Necə Bir Agentlik Seçməliyəm?</strong></h3> <p>Agentlik seçimi zamanı necə bir agentlik seçməli olduğunuzu müəyyən etmək bəzən çətin və vaxt alan bir proses ola bilər. Agentlik seçimi zamanı adətən qarşınızda 2 seçim olur; (1) sadəcə istədiyiniz xidməti həvalə etmək üçün nəzərdə tutulan sadə agentliklər və (2) strateji partnyorlar. </p> <p>Sadə agentliklər sizin ehtiyac duyduğunuz xidməti sizə təmin etdikdən sonra işlərinə davam edərək bir başqa müştərinin xidmət ehtiyacını cavablandırırlar. Bu növ agentliklər qiymət baxımından sərfəli olsa da agentliklə aranızdakı əlaqə sadəcə ticarət məqsədli olacaq.</p> <p>Strateji partnyorlar isə sizinlə güclü partnyorluq əlaqəsi quraraq biznesinizin ehtiyaclarını, hədəflərini və bacarmaq istədiklərini diqqətə alaraq xidmət növünü xüsusiləşdirir. Bu halda göstərilən xidmətin keyfiyyəti ilə birlikdə hazır olma müddəti də artır. Lakin biznesinizin böyüməsi və daha çox uğur əldə etməsi üçün strateji partnyorların köməyi çox vacib ola bilər. </p> <h3><strong>Saytım Hazır Olduqdan Sonra Nə Olacaq?</strong></h3> <p>Saytınız hazır olduqdan sonra saytınızın təhlükəsizliyi və davamlı olaraq optimizasiyası təmin olunmalıdır. Bunu özünüz edə bilmirsinizsə, agentliyin sizə əlavə dəstək paketi təmin edib etmədiyini bilməlisiniz. Əgər sayt sifarisi zamanı agentlik sizə xidmət keyfiyyətinin davamlılığının təmin olunması üçün müəyyən bir müddət üçün dəstək paketi təmin etməyibsə, dəstək paketi almaq məcburiyyətində qala bilərsiniz.</p> <p>Unutmayın, sayt sifarisi zamanı doğru şirkəti tapmaq vaxt tələb edən bir prosesdir. Doğru agentlik biznesinizin uğurunda çox böyük rol oynaya bilər. Bu səbəbdən xidmətlərinə güvəndiyiniz bir agentlik seçimi çox vacibdir.</p>
Ətraflı